ਸ਼ਬਦ ਚਾਨਣੀ---ਨਿਰਮਲ ਦੱਤ
ਗ਼ਜ਼ਲ
ਸਾਡੀ ਲੰਘਣੀ ਨਹੀਂ ਥੋੜੇ ਜਿੰਨੇਂ ਲਾਰਿਆਂ ਬਿਨਾਂ,
ਤਾਹੀਂਓਂ ਲਿਖਦੇ ਹਾਂ ਖ਼ਤ ਡੁੱਬੇ ਤਾਰਿਆਂ ਦੇ ਨਾਂ.
ਜ਼ੋਰ ਲਹਿਰਾਂ ਦਾ ਹੈ ਐਨਾਂ ਅਜੇ ਲੱਗਦੇ ਨਹੀਂ ਪੈਰ,
ਰੱਖੋ ਆਸ ਇਹ ਸੁਨੇਹਾ ਹੈ ਕਿਨਾਰਿਆਂ ਦੇ ਨਾਂ.
ਜਿਹੜੇ 'ਨ੍ਹੇਰੀਆਂ ਨੂੰ ਰੋਕਦਿਆਂ ਲੈ ਗਏ ਵਿਦਾਈ,
ਆਓ ਲਿਖੀਏ ਦਿਲਾਂ 'ਤੇ ਓਹਨਾਂ ਪਿਆਰਿਆਂ ਦੇ ਨਾਂ.
ਆਓ ਭੇਜੀਏ ਹਵਾ ਦੇ ਹੱਥ ਬਾਗ਼ੀ ਜਿਹੇ ਬੋਲ,
ਚੁੱਪ ਮਿੱਤਰਾਂ ਦੇ ਘੂਰਦੇ ਇਸ਼ਾਰਿਆਂ ਦੇ ਨਾਂ.
ਜਿਹੜੇ ਕਾਵਾਂ ਤੇ ਹਵਾਵਾਂ ਹੱਥੋਂ ਹੋਏ ਨੇ ਖੁਆਰ,
ਆਓ ਭੇਜੀਏ ਪਿਆਰ ਓਹਨਾ ਸਾਰਿਆਂ ਦੇ ਨਾਂ.
ਲਿਖੋ ਰਾਤ ਦੇ ਮੱਥੇ 'ਤੇ ਕੋਈ ਸੂਰਜੀ ਸਲਾਮ,
'ਨ੍ਹੇਰੇ ਰਾਹਾਂ
ਵਿੱਚ ਖੋ ਰਹੇ ਵਿਚਾਰਿਆਂ ਦੇ ਨਾਂ.
ਨਜ਼ਮਾਂ
ਖੇਡ
ਕੋਸੀ ਧੁੱਪ ਵਿੱਚ ਪਰਬਤ ਬੈਠਾ
ਉੱਤੇ ਚਾਦਰ ਕੋਰੀ
ਬੈਠਾ-ਬੈਠਾ ਖੇਡ ਰਚਾਵੇ
ਸਭ ਇਸ਼ਟਾਂ ਤੋਂ ਚੋਰੀ.
ਕੁਝ ਜੰਗਲ਼ ਦੇ ਬੋਲ ਬੁਲਾਵੇ
ਇੱਕ ਸਭਿਅਤਾ ਦੀ ਲੋਰੀ
ਕੁਝ ਸ਼ਤਰੰਜ ਦੇ ਜ਼ਖਮੀਂ ਮੋਹਰੇ
ਇੱਕ ਅੱਧ-ਨੰਗੀ ਗੋਰੀ.
ਜੰਗਲ਼ ਦੇ ਬੋਲਾਂ ਨੂੰ ਤੱਕ ਕੇ
ਗੁੰਮਸੁੰਮ ਹੋ ਗਈ ਲੋਰੀ
ਗੋਰੀ ਲਈ ਇੱਕ ਕੱਜਣ ਲੱਭਿਆ
ਕੱਜਣ ਦੇ ਵਿਚ ਮੋਰੀ.
ਮੋਰੀ ਉੱਤੇ ਟਾਕੀ ਲਾਈ
ਟਾਕੀ ਵਿੱਚ ਫਿਰ ਮੋਰੀ
ਪੂੰਝ ਕੇ ਅੱਖਾਂ ਗਾ ਲੈ ਮਿੱਤਰਾ
ਰੱਬ ਦੇ ਹੱਥ ਵਿਚ ਡੋਰੀ.
ਜੰਗ
ਜੰਗ ਕੁਝ ਲੋਕਾਂ ਲਈ
ਨਾਮ,
ਸਨਮਾਨ ਹੈ
ਇੱਕ ਤਮਗਾ ਹੈ
ਬੱਸ ਅਖ਼ਬਾਰ ਦੀ ਇਕ ਸੁਰਖੀ ਹੈ
ਜਾਂ ਫ਼ਿਰ
ਰੋਕ ਕੇ ਵੇਚੀਆਂ ਚੀਜ਼ਾਂ ਦੇ
ਮੁਨਾਫ਼ੇ ਦਾ ਹਿਸਾਬ;
ਜੰਗ ਪਰ ਹੋਰਾਂ ਲਈ
ਮੌਤ ਹੈ, ਗੁਮਨਾਮੀ ਹੈ
ਕਟ ਗਏ ਅੰਗਾਂ ਦੀ ਲਾਚਾਰੀ ਹੈ
ਰੂਹ 'ਤੇ ਵਰਤੇ ਹੋਏ ਕਹਿਰ ਦਾ
ਇੱਕ ਅਨੁਭਵ ਹੈ
ਜਾਂ ਫ਼ਿਰ
ਸੁਹਾਗ ਦੇ ਕੇ ਮਿਲੀ
ਸਸਤੀ ਸਿਲਾਈ ਦੀ ਮਸ਼ੀਨ.
ਸੰਪਰਕ –
#3060, 47-ਡੀ,
ਚੰਡੀਗੜ੍ਹ।
ਮੋਬਾਈਲ -98760-13060
Contact –
Nirmal Datt
# 3060, 47-D,
Chandigarh.
Mobile-98760-13060
1 Comments
ReplyDeleteਵੱਡੇ ਵੀਰ ਨਿਰਮਲ ਦੱਤ ਸਾਡੇ ਪਿੰਡ ਭੜੀ ਦੇ ਜੰਮਪਲ ਹਨ, ਹਮੇਸਾ ਧਰਾਤਲ ਨਾਲ ਜੁੜੇ ਹੋਏ, 1960ਵਿਆਂ ਚ ਉੱਠੀ ਲਹਿਰ ਦੀ ਗੁੜਤੀ ਨਾਲ ਵਿਕਸਤ ਸੋਚ ਦੇ ਸੱਚੇ ਧਾਰਨੀ ਹਨ ਵੀਰ ਜੀ। ਪੈਤੀਂ ਸਾਲ ਤੋਂ ਵੱਧ ਜਿਸ ਸਿਦਕ ਨਾਲ ਡੀ ਏ ਵੀ ਕਾਲਜ ਚੰਡੀਗੜ੍ਹ ਵਿਖੇ
ਅੰਗਰੇਜ਼ੀ ਪੜ੍ਹਾਈ ਹੈ,ਇਕ ਮਿਸਾਲ ਹੈ.
ਮਨੁੱਖ ਦੀ ਮਨੁੱਖ ਹੱਥੋਂ ਹੋ ਰਹੀ ਲੁੱਟ, ਨਿਜਾ਼ਮ ਦਾ ਖਾਸਾ,
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.