ਨਿਰਮਲ ਦੱਤ ਦੀ ਇੱਕ ਨਵੀਂ ਕਵਿਤਾ
ਕਮਰੇ ਵਿੱਚ ਮੇਰੇ
ਮਹਿਕ ਕੇਹੀ ਹੈ;
ਹੁਣੇ- ਹੁਣੇ
ਕੁਝ ਤਾਰੇ ਐਥੋਂ ਉੱਠ ਕੇ ਗਏ ਨੇ;
ਹੈਰਾਨੀ ਦੀ ਗੱਲ ਨਹੀਂ ਹੈ,
ਮੇਰੇ ਕੋਲ਼ੇ ਸਭ ਆਉਂਦੇ ਨੇ:
ਬੱਦਲਾਂ ਕੋਲੋਂ ਖਿਝ ਕੇ
ਬਿਜਲੀ ਆ ਜਾਂਦੀ ਹੈ,
ਰਾਤਾਂ ਨਾਲ਼ ਝਗੜ ਕੇ
ਚੰਨ ਭੱਜਿਆ ਆਉਂਦਾ ਹੈ,
ਕੱਲ੍ਹ - ਪਰਸੋਂ ਸੂਰਜ ਆਇਆ ਸੀ
ਇਹ ਦੱਸਣ ਲਈ
ਕਿਵੇਂ ਸੁਭਾ ਤੇ ਸ਼ਾਮ
ਓਸ ਲਈ
ਹਰਦਮ ਮਿਹਣੋਂ- ਮਿਹਣੀਂ ਹੋਵਣ .
ਸਭ ਦੇ ਅੰਦਰ ਦਿਲ ਹੁੰਦਾ ਹੈ,
ਕਦੇ-ਕਦੇ ਇਹ ਦੁੱਖ ਜਾਂਦਾ ਹੈ,
ਹਮਦਰਦੀ ਦੇ ਇੱਕ-ਦੋ ਮਿੱਠੇ ਬੋਲ ਸੁਣਨ ਲਈ
ਕੋਈ ਦਰ ਖੜਕਾ ਦਿੰਦਾ ਹੈ.
ਮੇਰਾ ਦਰ ਤਾਂ ਪਤੈ ਤੁਹਾਨੂੰ
ਸ਼ਾਮ- ਸਵੇਰੇ
ਸਭ ਲਈ ਹੀ ਖੁੱਲ੍ਹਾ ਰਹਿੰਦਾ ਹੈ.
ਪੁੱਛਦੇ ਹੋ ਤਾਰੇ ਕੀ ਦਰਦ ਵੰਡਾਵਣ ਆਏ;
ਦੁਖਦੇ ਹੋਏ ਰੋਹ ਨਾਲ਼
ਇਹ ਦੱਸਣ ਆਏ ਸੀ
ਪਤਾ ਨਹੀਂ ਕਿਉਂ
ਨਵੀਂ- ਨਵੀਂ ਵੋਟਰ- ਸੂਚੀ ਵਿੱਚ
ਓਹਨਾਂ ਦੇ ਹੁਣ ਬੇ -ਕਾਰਨ ਹੀ ਨਾਮ ਨਹੀਂ ਸਨ.
ਸੋਚ ਰਿਹਾ ਹਾਂ
ਗੁੱਸਾ ਬੜੀ ਕਮੀਨੀ ਸ਼ੈਅ ਹੈ:
ਉਹ ਜੋ ਵੋਟ ਵਰਤ ਨਹੀਂ ਸਕਦੇ,
ਸਮਾਂ ਆਉਣ 'ਤੇ
ਪਤਾ ਨਹੀਂ ਕੀ-ਕੀ ਵਰਤਣਗੇ.
ਸੰਪਰਕ –
ਨਿਰਮਲ ਦੱਤ
#3060, 47-ਡੀ,
ਚੰਡੀਗੜ੍ਹ।
ਮੋਬਾਈਲ -98760-13060
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.