ਦੋ ਗ਼ਜ਼ਲਾਂ/ ਬਿਕਰਮਜੀਤ ਨੂਰ
ਗ਼ਜ਼ਲ
ਵਿੱਚ ਪਰਦੇਸ ਦੇ ਰਹਿਣਾ ਔਖਾ।
ਕਸ਼ਟ ਇਕੱਲ ਦਾ ਸਹਿਣਾ ਔਖਾ।
ਦੂਰੀਆਂ ਵਧੀਆਂ, ਸਾਂਝਾਂ ਟੁੱਟੀਆਂ,
‘ ਮੂੰਹ ਚੜ੍ਹ ਕੇ ‘ ਕੁੱਝ ਕਹਿਣਾ ਔਖਾ।
ਦਿੱਸਦਾ ਨਾ, ਪਰ ‘ਕੱਠਾ ਹੋਇਐ,
ਭਾਰ ਦਿਲੇ ਤੋਂ ਲਹਿਣਾ ਔਖਾ।
‘ਅਹੰ‘ ਦਾ ਕਿਲ੍ਹਾ ਉਸਾਰੀ ਬੈਠੈਂ,
ਏਸ ‘ਦੁਰਗ‘ ਨੇ ਢਹਿਣਾ ਔਖਾ।
ਸਾਗਰੋਂ ਉਰੇ ਮੁਕਾਮ ਨਾ ਰੱਖੀਂ ,
ਬੇਸ਼ੱਕ , ਵਗਣਾ - ਵਹਿਣਾ ਔਖਾ।
ਪਿਆਰ-ਦੁਲਾਰ ਕੇ ਕਿੰਨਾ ਰੱਖਿਐ;
ਫਿਰ ਵੀ, ‘ਗਲ ਦਾ ਗਹਿਣਾ‘ ਔਖਾ।
‘ਨੂਰ’ ਪਿਆਰੇ! ਪਾਸਾ ਵੱਟ ਲੈ,
ਜਣੇ - ਖਣੇ ਨਾਲ ਖਹਿਣਾ ਔਖਾ।
ਗ਼ਜ਼ਲ 2
ਇਹ ਵੀ ਕੁਦਰਤ ਦੇ ਨੇ ਰੰਗ।
ਰੰਗ ਵਿੱਚ ਪਾ ਦਿੰਦੀ ਹੈ ਭੰਗ।
ਦੂਜੇ ਨੂੰ ਤੰਗ ਕਰਦਾ ਜਿਹੜਾ,
ਖੁਦ ਨੂੰ ਹੀ ਕਰਦਾ ਹੈ ਤੰਗ।
ਅਮਨ ਜਿਹਾ ਕੋਈ ਸੁੱਖ ਨਾ ਹੁੰਦਾ,
ਦੁਖਦਾਈ ਹੁੰਦੀ ਹੈ ਜੰਗ।
ਬਾਹਰ ਦੇ ਰੰਗ ਬੇ - ਫ਼ਾਇਦਾ ਨੇ,
‘ਅੰਦਰ‘ ਜੇ ਤੇਰਾ ਬਦਰੰਗ।
ਖੁਦ ਨੂੰ ਜ਼ਿੰਦਾ ਰੱਖਣ ਦੇ ਲਈ,
ਮਰਨ ਨਾ ਦੇਈਏ ਚਾਹਤ-ਉਮੰਗ।
ਸੱਜਣ ਮੇਰੇ! ਖੁੱਲ੍ਹ ਕੇ ਮੰਗ,
ਆਪਣਿਆਂ ਤੋਂ ਕਾਹਦੀ ਸੰਗ।
ਬੰਦੇ ਵਿੱਚ ਕਈ ‘ਬੰਦੇ’ ਬੇਠੇ,
ਬੰਦੇ ਤੋਂ ਹਾਂ ਰਹਿ ਗਿਆ ਦੰਗ।
ਉੱਘ-ਪਾਤਾਲ ਦੀਆਂ ਮਾਰੀ ਜਾਂਦੈ,
ਛੇੜੀ ਬੈਠੈ ਜੋ ਪ੍ਰਸੰਗ।
‘ਨੂਰ' ਬੜਾ ਅਫ਼ਸੋਸ ਹੈ ਹੁੰਦਾ,
ਦੇਣ ਸਲਾਹਾਂ ਜਦੋਂ ਮਲੰਗ।
ਰੀਜਾਈਨਾ ( ਕੈਨੇਡਾ)
ਸੰਪਰਕ: 9464076257
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.