ਸ਼ਬਦ ਚਾਨਣੀ---ਨਿਰਮਲ ਦੱਤ
ਗ਼ਜ਼ਲ
ਰੋਕੋ ਮਨ ਦੀਆਂ ਲਹਿਰਾਂ ਨੂੰ,
ਦਿਲ 'ਤੇ ਵਰ੍ਹਦੇ ਕਹਿਰਾਂ ਨੂੰ.
ਸਤਰਾਂ ਵਿਚਲੀ ਚੀਕ ਸੁਣੋਂ ,
ਤੋਲ ਰਹੇ ਹੋ ਬਹਿਰਾਂ ਨੂੰ.
ਪਾਗਲਪਨ ਦਾ ਦੌਰਾ ਹੈ,
ਬੁੱਕ, ਬੁੱਕ ਹੱਸਦੇ ਸ਼ਹਿਰਾਂ ਨੂੰ.
ਕੀ ਕਹੀਏ ਦੱਸ ਨੈਣਾਂ 'ਚੋਂ,
ਵਗ ਤੁਰੀਆਂ ਦੋ ਨਹਿਰਾਂ ਨੂੰ.
ਜੀਵਨ ਦਾ ਵਰਦਾਨ ਬਣਨ,
ਜਦ ਤੂੰ ਛੂਹ ਦਏਂ ਜ਼ਹਿਰਾਂ ਨੂੰ.
ਨਜ਼ਮ
ਇੱਕ ਪਰੀ ਸੀ
ਇੱਕ ਪਰੀ ਸੀ
ਬੜੀ ਖ਼ੂਬਸੂਰਤ ਪਰੀ
ਜਿਹੜੀ ਦਾਦੀ ਦੀਆਂ ਲੰਮੀਆਂ ਬਾਤਾਂ 'ਚੋਂ
ਬੇ-ਸ਼ੋਰ ਆ ਕੇ ਬਾਹਰ
ਮੇਰੇ ਸੰਗ-ਸੰਗ ਤੁਰੀ;
ਉਸਦੇ ਸੰਗ ਦਾ ਹੀ ਇਹ ਜਾਦੂ-ਈ ਅਸਰ ਸੀ
ਮੇਰੇ ਖ਼ਾਬਾਂ 'ਚ ਉੱਗਦੇ ਹੋਏ ਅੱਥਰੂ
ਵੇਖਦੇ-ਵੇਖਦੇ ਫੁੱਲ, ਤਾਰੇ ਬਣੇ.
ਇੱਕ ਬਾਬਾ ਸੀ
ਖਿੜਿਆ ਬਿਰਖ ਨੂਰ ਦਾ,
ਸਾਰੇ ਰਿਸ਼ੀਆਂ ਦੇ ਲੱਭੇ ਹੋਏ ਸਾਰੇ ਸੱਚ
ਉਸਦੇ ਚਿਹਰੇ ਦੀ ਰੌਣਕ 'ਚ ਸਾਕਾਰ ਸਨ;
ਚੰਨ, ਸੂਰਜ ਤੋਂ ਅੱਗੇ ਬਹੁਤ ਦੂਰ ਉਹ
ਸਾਰੀ ਸ੍ਰਿਸ਼ਟੀ ਦੇ ਕੇਂਦਰ 'ਚ ਬੈਠਾ ਕਿਤੇ
ਮੇਰੇ ਅਨਜਾਣੇ ਰਾਹ ਦਾ ਨਿਗਾਹਬਾਨ ਸੀ.
ਅੱਜ ਪਰੀ ਗੁੰਮ ਹੈ
ਨਾ ਹੈ ਬਾਬਾ ਕਿਤੇ
ਤਾਂਹੀਓਂ ਫੈਲੇ ਨੇ
ਕਿੰਨੇ ਹੀ ਡਰ, ਤੌਖ਼ਲੇ.
ਭੁੱਖ ਤੋਂ ਭੋਗ ਤੱਕ
ਭੋਗ ਤੋਂ ਭੁੱਖ ਤੱਕ
ਇੱਕ ਅੰਨ੍ਹੀਂ ਗਲ਼ੀ ਵਿੱਚ ਖੋਇਆ ਹਾਂ ਮੈਂ,
ਇੰਝ ਖੋ ਕੇ ਬੜੀ ਵਾਰ ਰੋਇਆ ਹਾਂ ਮੈਂ.
ਕਿੱਥੇ ਹੈ ਉਹ ਪਰੀ
ਕਿੱਥੇ ਬਾਬੇ ਦਾ ਘਰ
ਅੱਜ ਦਾਦੀ ਤੋਂ
ਮੰਗਾਂਗਾ ਉਸਦੀ ਨਜ਼ਰ
ਤਾਂਹੀਓਂ ਪਾਵਾਂਗਾ ਦੋਹਾਂ ਦੀ ਕੋਈ ਖ਼ਬਰ.
ਸੰਪਰਕ –
#3060, 47-ਡੀ,
ਚੰਡੀਗੜ੍ਹ।
ਮੋਬਾਈਲ -98760-13060
Contact –
Nirmal Datt
# 3060, 47-D,
Chandigarh.
Mobile-98760-13060
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.