ਸ਼ਬਦ ਚਾਨਣੀ---ਨਿਰਮਲ ਦੱਤ
ਗ਼ਜ਼ਲ
ਐਨਾਂ ਨਾ ਸ਼ਰਮਾਇਆ ਕਰ,
ਦਿਲ ਦਾ ਹਾਲ ਸੁਣਾਇਆ ਕਰ.
ਹਰ ਦਮ ਰੋਣਾ ਠੀਕ ਨਹੀਂ,
ਹੱਸਿਆ ਕਰ, ਕੁਝ ਗਾਇਆ ਕਰ.
ਹਰ ਬੇਵੱਸ ਦੀਵਾਰ ਲਈ,
ਤੂੰ ਰਸਤਾ ਬਣ ਜਾਇਆ ਕਰ.
ਜਦ ਮੈਂ ਜਾਗਾਂ ਖੋ ਜਾਵੇਂ,
ਸੁਪਨੇ ਵਿੱਚ ਲੱਭ ਜਾਇਆ ਕਰ.
ਜੋ ਚਾਹੁੰਦਾ ਹੈਂ, ਮਿਲਦਾ ਹੈ,
ਸੋਚ, ਸਮਝ ਕੇ ਚਾਹਿਆ ਕਰ.
ਹਰ ਅੰਬਰ ਇੱਕ ਪਿੰਜਰਾ ਹੈ,
ਪੰਛੀ ਨੂੰ ਸਮਝਾਇਆ ਕਰ.
ਸੁਣ, ਨਦੀਆਂ ਦੀ ਕਲ-ਕਲ ਸੁਣ,
ਪਿਆਸੇ ਗੀਤ ਨਾ ਗਾਇਆ ਕਰ.
ਉਹ ਨਿਰਛਲ ਜੋ ਸਭ ਦਾ ਹੈ,
ਬੱਸ ਉਸ ਦਾ ਹੋ ਜਾਇਆ ਕਰ.
ਨਜ਼ਮ
ਹੁਣ ਨਹੀਂ ਉਮਰ
ਹੁਣ ਨਹੀਂ ਉਮਰ
ਮੇਰੇ ਸੁਪਨਿਆਂ 'ਚ ਆਵੇ ਕੋਈ
ਚੰਨ ਦੀ ਫਾਂਕ ਜਿਹਾ,
ਸੁਬ੍ਹਾ ਦੀ ਅਦਾ ਵਰਗਾ,
ਬਿਰਹਾ ਦੇ ਗੀਤ ਜਿਹਾ,
ਵਸਲ ਦੀ ਦੁਆ ਵਰਗਾ;
ਹੁਣ ਨਹੀਂ ਉਮਰ
ਕਿ ਕੋਈ ਹੱਸੇ
ਤੇ ਮੈਂ ਦੰਦ ਗਿਣਾਂ,
ਕਿਸੇ ਦੇ ਵਾਲ਼ਾਂ 'ਚ ਟੁੰਗਣ ਦੇ ਲਈ
ਤਾਰਿਆਂ ਦੇ ਫੁਲ ਤੋੜਾਂ;
ਹੁਣ ਤਾਂ ਮਰਜ਼ੀ ਹੈ
ਕਿ ਪੁੱਛਾਂ ਕਿਧਰੋਂ
ਕਿੰਝ ਸਿਰਫ਼ ਚੇਤਨਾ
ਸਿਰਜਦੀ ਆਕਾਰਾਂ ਦਾ ਪਸਾਰ,
ਧੁੱਪ ਕਿਵੇਂ ਬਰਫ਼ ਵਿੱਚ ਢਲ਼ਦੀ ਹੈ,
ਚਿਤਾ ਦੀ ਰਾਖ਼ ਕਿਵੇਂ ਲੋਰੀਆਂ ਨੂੰ ਦੇਵੇ ਜਨਮ,
ਤੇ ਕਿਵੇਂ ਕਾਇਨਾਤ "ਸੁੰਨ" ਵਿੱਚ ਬਦਲਦੀ ਹੈ.
ਸੰਪਰਕ –
#3060, 47-ਡੀ,
ਚੰਡੀਗੜ੍ਹ।
ਮੋਬਾਈਲ -98760-13060
Contact –
Nirmal Datt
# 3060, 47-D,
Chandigarh.
Mobile-98760-13060
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.