ਸ਼ਬਦ ਚਾਨਣੀ---ਨਿਰਮਲ ਦੱਤ
ਗ਼ਜ਼ਲ
ਐਨੇ ਰਸਤੇ, ਬਹੁਤ ਦਿਸ਼ਾਵਾਂ,
ਕਿਸ 'ਤੇ ਚੱਲਾਂ, ਕਿੱਧਰ ਜਾਵਾਂ?
ਅਪਣਾ ਅੰਦਰ 'ਨ੍ਹੇਰਾ-'ਨ੍ਹੇਰਾ,
ਸੂਰਜ ਦੇ ਨਕਸ਼ੇ ਸਮਝਾਵਾਂ।
ਕੋਇਲ ਦੇ ਮਿੱਠੇ ਬੋਲਾਂ 'ਤੇ
ਕਈ ਕਿਤਾਬਾਂ ਲਿਖੀਆਂ ਕਾਵਾਂ।
ਚੁੱਪ ਦੀ ਕੋਈ ਸਮਝ ਨਹੀਂ ਹੈ,
ਜੋ ਮੂੰਹ ਆਵੇ ਬੋਲੀ ਜਾਵਾਂ।
ਅਪਣੇ ਲਾਲਚ, ਅਪਣੇ ਡਰ ਨੂੰ,
ਰੱਬ-ਸ਼ੈਤਾਨ ਦੇ ਜਿੰਮੇਂ ਲਾਵਾਂ।
ਦੋਵੇਂ ਅੱਖਾਂ ਸਨਮਾਨਾਂ 'ਤੇ
ਪਰ ਖ਼ੁਦ ਨੂੰ ਸੂਫ਼ੀ ਕਹਿਲਾਵਾਂ।
ਨਜ਼ਮਾਂ
ਪੱਕਾ ਇਲਾਜ
ਮਨ ਦੇ ਵਰਕੇ 'ਤੇ ਪਏ
ਦੁਖਦੀਆਂ ਯਾਦਾਂ ਦੇ ਨਿਸ਼ਾਨ,
ਅੱਜ ਦੀ ਲੱਜ਼ਤ 'ਚ
ਕਿਧਰੋਂ ਘੁਲ਼ ਰਹੇ ਬੇਕਾਰ ਗਿਲੇ,
ਆਓਂਦੇ ਹੋਏ ਕੱਲ੍ਹ ਦੇ
ਮੱਥੇ 'ਤੇ ਲਿਖੇ ਕਲਪਿਤ ਡਰ,
ਇਹ ਮੇਰੀ ਜਾਨ ਦੇ ਦੁਸ਼ਮਨ
ਇਹ ਮੇਰੇ ਪਾਗ਼ਲਪਨ,
ਹੈ ਮੇਰੇ ਕੋਲ਼
ਇਨ੍ਹਾਂ ਸਾਰਿਆਂ ਦਾ ਪੱਕਾ ਇਲਾਜ:
ਮੇਰੀ ਭੋਲ਼ੀ ਜਿਹੀ ਬੱਚੀ ਦੀ
ਪਿਆਰੀ ਮੁਸਕਾਨ.
ਮੇਰੇ ਪਾਪਾ
ਮੇਰੇ ਪਾਪਾ
ਕਦੇ-ਕਦੇ ਤਾਂ ਬੁੱਧ ਲੱਗਦੇ ਸਨ:
ਅਪਣੇ ਸਾਰੇ ਨਿੱਜੀ ਸੁਪਨੇ
ਅਪਣੀਆਂ ਸਭ ਖ਼ੁਦਗਰਜ਼ ਖ਼ਾਹਸ਼ਾਂ
ਪਿੱਛੇ ਕਿਧਰੇ
ਪਤਾ ਨਹੀਂ ਕਦ ਛੱਡ ਆਏ ਸਨ.
ਪਰ ਮੇਰੇ ਪਾਪਾ
ਕਦੇ-ਕਦੇ ਅਰਜਨ ਲੱਗਦੇ ਸਨ:
ਅਪਣੇ ਬੱਚਿਆਂ ਦੇ ਪਿਆਰੇ ਆਦਰਸ਼ਾਂ ਖਾਤਰ
ਅਪਣੇ ਬੱਚਿਆਂ ਦੇ ਹੱਕਾਂ ਦੀ ਰਾਖੀ
ਦੇ ਲਈ
ਇੰਝ ਲੜਦੇ ਸਨ
ਇੰਝ ਲੜਦੇ ਸਨ
ਬੱਸ ਕਿਆ ਕਹਿਣੇ...!
ਸੰਪਰਕ –
#3060, 47-ਡੀ,
ਚੰਡੀਗੜ੍ਹ।
ਮੋਬਾਈਲ -98760-13060
Contact –
Nirmal Datt
# 3060, 47-D,
Chandigarh.
Mobile-98760-13060
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.