ਸ਼ਬਦ ਚਾਨਣੀ---ਨਿਰਮਲ ਦੱਤ
ਗ਼ਜ਼ਲ
ਨਾ ਕੋਈ ਦਾਅਵੇ, ਕੋਈ ਨ੍ਹਾਅਰੇ ਨਹੀਂ
ਹਾਰਦੇ ਹਾਂ, ਪਰ ਕਦੇ ਹਾਰੇ ਨਹੀਂ.
ਹਰ ਹਵਾ ਲੈ ਜਾਏ ਜਿਧਰੇ ਜੀ ਕਰੇ
ਨਾਂਹ, ਅਸੀਂ ਐਨੇ ਵੀ ਵੇਚਾਰੇ ਨਹੀਂ.
ਕੀ ਮਿਲੇਗਾ ਝੀਲ ਵਿੱਚ ਲਹਿ ਕੇ ਹਜ਼ੂਰ
ਸਿਰਫ਼ ਖਾਲੀ ਅਕਸ ਨੇ, ਤਾਰੇ ਨਹੀਂ.
ਫ਼ੈਸਲਾ ਹੈ ਤਾਰਿਆਂ ਤੱਕ ਜਾਣ ਦਾ
ਕੁਝ ਤਾਂ ਲੈ ਆਵਾਂਗਾ, ਜੇ ਸਾਰੇ ਨਹੀਂ.
ਹਰ ਪਿਆਰੀ ਗ਼ਜ਼ਲ ਵਿੱਚ ਖ਼ੁਸ਼ਬੂ ਤੇਰੀ
ਉਂਝ ਓਹ ਬੇਸ਼ੱਕ ਤੇਰੇ ਵਾਰੇ ਨਹੀਂ.
ਨਜ਼ਮਾਂ
ਅਸਲੀ ਮੁੱਦਆ
ਮੰਗ ਕੇ ਏਕਲੱਵਿਯਾ ਤੋਂ
ਓਸ ਦਾ ਸੱਜਾ ਅੰਗੂਠਾ
ਜੇ ਦਰੋਨ ਆਚਾਰੀਯਾ
ਅਰਜਨ ਨੂੰ ਵੀ
ਮਾਰਨ ਲਈ ਤੈਯਾਰ ਹੈ
ਅਸਲੀ ਮੁੱਦਆ
ਕੋਈ ਜਮਾਤੀ ਲੁੱਟ
ਜਮਾਤੀ ਦੁਸ਼ਮਣੀ ਨਹੀਂ
ਅਸਲੀ ਮੁੱਦਆ ਤਾਂ ਸਿਰਫ਼
ਇਖ਼ਲਾਕ ਹੈ, ਕਿਰਦਾਰ ਹੈ.
ਮਿਰਜ਼ੇ ਦਾ ਸਵਾਲ
ਪਲ ਵਿੱਚ ਕਿਧਰੇ ਖੋ ਗਏ ਸਾਰੇ
ਗਲ਼ੀਆਂ ਅਤੇ ਬਨੇਰੇ.
ਨਾ ਕੁੱਤੀ, ਨਾ ਹੱਟ 'ਤੇ ਦੀਵਾ
ਕੱਲਰਾਂ ਵਿੱਚ ਵਸੇਰੇ.
ਲਾਹ ਸੁੱਟੀ ਸੱਭਿਅਤਾ ਦੀ ਲੋਈ
ਕੀਤੇ ਸ਼ੁਗਲ ਬਥੇਰੇ.
ਉੱਤਰ ਗਈ ਪਿੰਡਿਆਂ ਦੀ ਗਰਮੀਂ
ਪਾਲ਼ਾ ਰੂਹ ਨੂੰ ਘੇਰੇ.
ਦੱਸ ਮੈਂਨੂੰ ਹੁਣ ਕੀ ਬਚਿਆ ਹੈ
ਵਿੱਚ ਤੇਰੇ ਤੇ ਮੇਰੇ?
ਸੰਪਰਕ –
#3060, 47-ਡੀ,
ਚੰਡੀਗੜ੍ਹ।
ਮੋਬਾਈਲ -98760-13060
Contact –
Nirmal Datt
# 3060, 47-D,
Chandigarh.
Mobile-98760-13060
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.