ਗ਼ਜ਼ਲ
ਕੇਸਰ ਕਰਮਜੀਤ ਆਸਟ੍ਰੇਲੀਆ
ਬਹਾਰਾਂ ਤੋਂ ਉਸਦਾ ਨਗਰ ਪੁੱਛ ਲੈਣਾ।
ਮਹਿਕਦੀ ਹਵਾ ਤੋਂ ਖ਼ਬਰ ਪੁੱਛ ਲੈਣਾ।
ਸੀ ਕਿਸਨੇ ਚੁਰਾਇਆ ਜਿਗਰ ਪੁੱਛ ਲੈਣਾ।
ਉਹ ਨਾ ਹੀ ਕਹੇਗਾ ਮਗਰ ਪੁੱਛ ਲੈਣਾ।
ਸੀ ਹਾਂ ਰੌਸ਼ਨੀ ਦੀ ਤਮੰਨਾ ਤਾਂ ਲੇਕਿਨ,
ਭਟਕਿਆ ਮੈਂ ਕਿੱਥੇ, ਡਗਰ ਪੁੱਛ ਲੈਣਾ।
ਕੋਈ ਇਹ ਕਹੇਗਾ, ਕੋਈ ਉਹ ਕਹੇਗਾ,
ਇੱਧਰ ਪੁੱਛ ਲੈਣਾ, ਉੱਧਰ ਪੁੱਛ ਲੈਣਾ।
ਤਸੱਵਰ ਚ ਰੱਖਣਾ ਮਿਰੇ ਯਾਰ ਦਾ ਦਰ,
ਬੜੀ ਬੇਬਸੀ ਤੋਂ ਸਬਰ ਪੁੱਛ ਲੈਣਾ।
ਕਹੇਗਾ ਕਿ ਮੁਸ਼ਕਿਲ ਹੈ ਸ਼ਬਦਾਂ ਚ ਕਹਿਣ,
ਹਾਂ ਚੁੱਪੀ ਚ ਪੁੱਛਣਾ, ਮਗਰ ਪੁੱਛ ਲੈਣਾ।
ਕਿ ਅਪਣੇ ਹੀ ਅੰਦਰ ਉਹ ਉੱਤਰ ਜੋ ਨਿਕਲੇ,
ਕਿਸੇ ਵੀ ਤਰਾਂ ਇਸ ਕਦਰ ਪੁੱਛ ਲੈਣਾ।
ਇਹ ਵੀ ਪੜ੍ਹੋ -
1 Comments
ਵਾਹ। ਬਹੁਤ ਖੂਬਸੂਰਤ ਗ਼ਜ਼ਲ ਕਹੀ ਹੈ।
ReplyDeleteਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.